Texty: Die Kreuzfidelen Jammertaler. Other. Mei Riviera.

Da See in Plesching is mei Riviera
Do lieg i den gaunzn Tog nua in da Sun
Die Leit sogn "Servas" stott "Buona sera"
Und plantschn imma no lustig umadum

Da Froschberg is mei kloana Himalaya
Do geh i stundnlaung im Woid spaziern
Und waun i voa Aunstrengung nua mehr seia
Kau mi a Linienbus glei owifian

Und 's Minigoifn mit meim liabn Schatzerl
Am ruhigen Platzerl
Is fantastique
Und waun die Sun untergeht uwa da Donau
Und 's Lentos leicht blau
C'est romantique

Da See in Plesching is mei Riviera
Do lieg i den gaunzn Tog nua in da Sun
Und moch i auf oamoi an gscheitn Plarra
Daun taunzn d'Breman am Bugl umadum

Jo, in da fruhern Zeit
Do hot's d'Leit goa net gfreit
Die Luft woa schlecht, ma hot gsogt
In Linz, do stinkts

Doch is des aundas heit
Die Stodt vakafft si gscheit
Kultur is uwaroi
In Linz beginnts

Da See in Plesching is mei Riviera
Do lieg i den gaunzn Tog nua in da Sun
Die Leit sogn "Servas" stott "Buona sera"
Und plantschn imma no lustig umadum

Da Froschberg is mei kloana Himalaya
Do geh i stundnlaung im Woid spaziern
Und waun i voa Aunstrengung nua mehr seia
kau mi a Linienbus glei owifian

Im Summa schauma am Obnd im Freiluftkino
An guadn Fulm au
C'est magnifique
Und gaunz schno is in da Oitstodt beim Chinesn
A Antn gessn
Gastronomique

Da See in Plesching is mei Riviera
Do lieg i den gaunzn Tog nua in da Sun
Und moch i auf oamoi an gscheidn Plarra
Daun taunzn d'Gossn am Bugl umadum

I brauch koa Copacabana
Koa Karibik oda sowos
I bin voi zfriedn und bleib dahoam
In Linz beginnts
Jowoi