Texty: Davide Van De Sfroos. El Bestia.

E quaand ch l'e nassuu suta una loena caputada
la scigueta l'ha vusaa e la sua mama l'e scapada
se regordi che'l ciel l'ha piangiuu per un mees
e la geen la tremava in tutt el paees...
El so pa l'era un fantasma l'e mai cumparii
el so zio "Pulentauncia" l'era sempru ciucch tradii
el so nonu selvadech l'ha faa vegni graand
cunt'in man un fulcen e senza mudaand

Per tucc i geent nurmai e anca per i sciur
el so nom l'era Bestia "castigh del Signuur".
Fioo de'n tempural e de 'na stela sgavezzada
el te tajava el coll cume fa una cicada

La sua facia la faseva pagura ai serpeent
e se te l'incrusavet gh'era puuch de vess cunteent
l'era cume un diavul vegnuu de la muntagna
el gh'era propi i occ del luff quand el cagna
El viagiava in de la neev in so la facia dell'invernu
el vegniva gio del munt e 'l menava adree l'infernu
l'era sempru spurceleent e vestii cun't un sacch
l'era el Bestia, bestia grama el so fulcen l'era mai stracch

Per tucc i geent nurmaai....

Un de al lavatoj el se vardava in un sedell
e quel che'l vedeva l'era mea po taant bell
gh'era le anca una tusa e l'era bela cume 'l suu
luu 'l g'ha daa el so fulcen e nissoen l'ha pio veduu
E spiava quela tusa quand la nava gio a lava
perche ghe piaseva sentila canta
el sentiva el coer verdess cume un fiich
lei era una rosa... e luu un mazz de urtiigh

Per tucc i geent nurmaai....