Texty: Canta U Populu Corsu. Spartera.

Spartimu di lu ventu i Suprani incirtezzi
Di lu mari sapemu u mova culuritu
A brama spinsirata di l'ultimi carezzi
Chi issu tempu ci porghji prima d'essa finita

Qui so nati il tarri chi ci detini fiatu
E l'orisonti stremi di li passioni antichi
Qui ci ghjuco a sfiera d'un tempu misuratu
A lu troppu rimori, a li troppi nimichi

Spartimu di li nosci i sicurezzi amari
E di l'altri sapemu a piu greva inghjustizia
Chi svolta cima e fundu e ci frighji li carri
Solu quand'idd'he noscia, un ci pari scimizia

Qui so nati i misteri, d'un tempu li sicreti
Ch'ugnunu voli tena com'e tanti tisori
I cridiami nati a fior' di mossi schietti
E ci so fermi in gola, e ci pesani in cori

Spartimu d'issi albori i dubbiti sbucciati
Com'e li fiori vani nati for'di staghjoni
E pur'l'avemu colti, e ancu suminati
Ma cridiami tandu di sape ni a raghjoni