Texty: Canta U Populu Corsu. C'Hè Dinù. Scalanu.

Ghjunghjenu trenta vascelli
A quattru file d'archere
Da li poghji a le custere
S'accoglienu li zitelli
E donne e li vechjaconi
Cun e misge e li piloni
Ghjunghjenu trenta vascelli.

Pianu sguilla lu marinu
Lindu e dolce cum'e mele
E ne so piene le vele.
Da li pasciali avvincinu
Ne fala tamantu frombu
Sona a piu pude culombu
Pianu sguilla lu marinu.

Ava rughjanu i cannoni
Annant'a li bastimenti
Si sentenu ghjuramenti
Cummandi, urli e brioni
Collanu da sott'a foce
Ci so chi facenu e voce
Ava rughjanu i cannoni.

In li vechji campanili
Tintineghja u battifocu
Omi n'affacca in ogni locu
Cun carchere e cun fucili
Lampati nant'a l'armone
Pienghjuleghjanu e ciccone
In li vechji campanili